MIOKA ZAKKA 手作雜貨專頁！新年及情人節其間の優惠大放送！

MIOKA ZAKKA 專門出售全手工製作の手作雜貨

包括各款手工布包及小物，另有手作材料和二手雜貨。

http://www.facebook.com/MIOKAZAKKA

 

銀色小包

 

很久沒有做布包了…

這個小包包只是用手縫，沒用到衣車~

但做完之後才發現，這幅銀色布非常容易走線！

不過應該很快就要再做一個新的囉…

因為只用了兩天，銀線已經走掉很多嚕…嗚~

看來下次若要再用到此布，也要下一點苦功才行了。

 

MIOKA ZAKKA new items @ July

 

好耐冇 update blog… 好耐冇 design t-shirt… and 好耐冇見過大家喇~!!!

重返 Y! Blog 第一篇唔知寫咩好，所以就 post 新作吧~

有興趣就去 http://miokazakka.mallid.com 睇下啦… ^^

 

Tote Bag #2

好耐都冇車袋喇…尋日終於都喺新年前車好左一個！

呢個袋真係花左我好多心機呀~ 整左好耐…

 

單單剩係整呢兩條帶已經整到我傻…

 

呢幅布其實真係好靚 (有金線架) 好抵買，用唻車袋真係一流！

今次裡袋係冇車拉鍊內袋架，因為我懶~ 哈哈！

不過都有一個放電話 + 一個放筆既小袋。

其實個袋車起左都幾大個，放個衣架上去睇下就知…

呢個袋有一個特別之處，就係可以“變身”喇~！

袋的底部加了鈕釦，可以將袋的形狀變一變…

 

尋晚一見到 Mr. J 我就問佢：「個袋靚唔靚呀？」

Mr. J ：「靚呀！響邊度買架？」

我：「唔係買架，我自己車既！cc」

Mr. J ：「吓？真係架？攞唻睇下~」

我：「得唔得呀？」

Mr. J ：「好得呀~ 車左幾耐呀？」

我：「一日囉。似唔似出街買果ｄ呀？」

Mr. J ：「似架，不過真係好變態…點車呀～！？」

(哈哈哈…)

 

2 days of Spotlight

星期一在朋友的邀請下終於都第一次去到 Spotlight 喇~

真係好鬼大呀!! 而且差唔多所有手工藝種類嘅貨品都有。

尤其係布料果部份，完全係睇到唔想行開果隻…LOL!

感覺上，雖然ｄ布係貴，但對比起質料方面是正比的，如果日後有需要，可能都會去買嘅！

當日聽到售貨員話星期二全店八折，而且會有一個免費嘅 custion course (仲有一份免費的材料包送)，咁著數當然同朋友第一時間報名先啦~ haha~

其實得幾個鐘時間我地行唔晒，行到人地關門先捨得走…

不過唔緊要，第二日早ｄ去繼續行！XD

 

我地星期二早左好多去慢慢睇，慢慢揀！

但時間過得真係好快…話咁快就到左 7:30pm，custion course 要開始了~

橙色衫果位就係導師喇，大家都好專心咁聽佢講解呀！

這個是 custion sample

雖然係有八折，不過我今次勁忍得手，只係買左 3 樣野… 一共 $61.8-。

中間果份就係 custion course 嘅材料包喇~ (本來想要沉色ｄ架，可惜唔夠手快…)

本書介紹左好多種類嘅手工藝，原價 $19.9-，得閒拎出唻睇吓都唔錯！

見到響深水埗搵極都買唔到嘅布包鈕，點都要買一份試下整啦！原價 $29.9-

仲有當時數埋都唔夠十份嘅特價布，最後揀左呢一幅~

其實仲有好多布都做緊特價，有ｄ仲有七折添，不過我都一直叫自己唔好買！

因為屋企ｄ布有ｄ都仲未用過，又再買的話一定又俾人XXOO啦~ >”<

而且屋企樓下就有布賣喇，睇唔啱咪再去過 Spotlight 囉！cc

 

呢兩日真係好開心，可以同一個啱傾，又同樣鍾意手工藝嘅朋友行街，大家仲可以交換吓心得添！我地又各自帶左手工藝書出唻俾對方睇，邊睇邊講，超 happy 呀！最緊要一樣野，就係大家都覺得”做手工並唔係嘥時間嘅野”，我諗除左識得做手工藝嘅人外，好多人都未必會欣賞呢份情操！

 

ღ廢物利用 – 紙皮盒篇ღ

Mr. J 每次都視為廢物的東西，說想要掉棄之時，很多時候都被我阻止了！

這次的紙皮盒也不例外……

其實把它換換新裝，就可以繼續使用了，何必要浪費了它呢！？

要把它換新裝嘛~ 當然要有衣服才行啦！(即是包裝花紙)

新裝穿好了，就來個特寫吧~ haha~~~

喔~ 至於它的用途嘛？

就是把我的手工藝材料作收納之用嚕！呵呵。。。

那些花邊、繡花線、小珠珠終於有個容身之所了~

 

ღ廢物利用 – 塑膠樽蓋篇ღ

最近好多人都會用膠樽蓋唻整針插，其實都幾環保，又實用！

不過因為我冇需要整針插，所以冇相關作品出現。

咁膠樽蓋仲有咩用呢？

其實這次都算不上是什麼手作，只是生活小創意而已。LOL

 

我預先留起了兩個膠樽蓋，清洗後抺乾。

在蓋上貼上雙面膠紙

之後黏貼在牆上，用來支撐鐵枝的兩邊！

至於為什麼要這樣做呢？

因為那枝伸縮鐵枝完全不能穩定支撐在牆上，有時不小心碰到就會掉下來…

真的是太太太麻煩了~ 見到有膠樽蓋，又合 size 就來個廢物利用吧！

 

前事：http://hk.myblog.yahoo.com/cheriecheuk47/article?mid=2440

 

Tote Bag #1

嘩~ 自從上次上完堂之後，今次係第一次自己車袋呀！

整左大約 4-5 個鐘啦，整吓停吓咁…

其實我自己都唔知整完會係咩 SIZE，所以有ｄ地方整得唔係咁好~

不過完成之後真係好開心呀！！

Mr. J 問我：「用唔用得架？做咩唔整個名上去？」

咁當然係用得啦~ 至於個名……

本來係有諗住整既，但印完在織帶上好樣衰，最後都係冇車上去！

包包用了黑、白兩種色的布，手挽也分開了一條黑一條白~

(睇起上唻冇咁單調嘛！ｃｃ)

包包的底部用了上次學的方法車喔。

裡袋裏車上了小暗格，右邊那個是特別用來放筆的！

嗯~ 不足之處嘛！？

就是裡袋大了一點，手挽車得不太好，其他我都滿意嚕~

 

帽子をつくろう

這一本手作帽子書《帽子をつくろう》，是跟上次介紹的《ちよつぴりステシチ＆スモシキング　刺しめうが楽しい小さな雑貨》一起在東京堂書店買的。

這本書介紹了多款不同形狀和設計的帽子。

隨書附有各款帽子的原尺寸圖樣，包括大、中、小的尺碼。

當然也不少得製作方法的內容啦！

 

其實我自己以前是不戴帽子的，但最近買了一頂來試試，感覺也算不錯~

最近已經開始有點秋涼了，在秋冬戴帽子會比較夏天舒服，不會感覺太悶焗吧！

希望日後有時間可以嘗試製作帽子啦…

 

生活風! 十字繡 & 縮褶繡隨身小物

上個月在黃埔買了兩本日文手作書，這是其中一本 ↓

書名《ちよつぴりステシチ＆スモシキング　刺しめうが楽しい小さな雑貨》

(我不懂打日文的小寫 >”<)

但今天在誠品書店的網站發現到，原來台灣有出版中文譯本啊！

中文書名是《生活風! 十字繡 & 縮褶繡隨身小物》按此

 

啊~ 這個剪刀套是我被吸引買此書的原因之一唷！hehe~

單看中文書名就能比較清楚書本內容會是什麼了！

不過除了十字繡小物外，還有布袋、布書衣、實用布品等內容~

當然也附有製法和圖樣啦！